සිතූ පස්වන දිග හැරුම

සිතූ
පස්වන දිගහැරුම

    හෙලෝ..හෙලෝ. සිතුම් අයියේ...

මධූගේ සිතට දැනුනේ මුළු ලෝකයම කඩා වැටුනාක් වැනි වේදනාවකි.

    දුරකථනය චාජරයට ගැසූ සිතුම් කල්පනාවකට වැටුනි.මධූගේ නිල්වන් දිගටි ඇස් අහිංසක සිනහව සිතූගේ සිත පත්ලටම කිදා බැස තිබුණි.

  සිතූට ඇමතුමක් ගැනීමට නොහැකි වූ මධූ සිතුම්ට කෙටි පණිවිඩයක් යැවීය.

               වේලාව රාත්‍රි 10.00 පසු වී තිබුණද සිතුම් සත්සර රණවිරුවාගේ නෙත් අහලකටවත් නින්ද නොපැමිණියේය.දුරකථනය ගෙන එය ක්‍රියාත්මක කරේ මධූට ඇමතුමක් ගැනීමේ අදහසිනි.දුරකථනය ක්‍රියාත්මක කරනවාත් සමගම එයට කෙටි පණිවිඩයක් ලැබුණි
 
  අහම්බෙන්ම දුටු ඔබෙ රුව ළග
   මසිත නැවතුනා...
  ගෙවෙනා හැම තත්පරයෙම මට
   ඔබව සිහි වුණා...
දෙසවන වැකි එක වදනින් සිතම
  ගොළු වුණා..
  දුටු විගසම මේ පණිවිඩෙ මා
  අමතනවදෝ  ඔයා...

                 -  මධූ  -

  කෙටි පණිවිඩය දුටු සිතුම්ගේ මුවගට සිනහවක් එක් විය.මෙතෙක් වික්ෂිප්තව සිටි සිතුම්ට ලැබූ කෙටි පණිවිඩය මහත් සතුටක් විය.බොහෝ රෑ වී ඇති නිසා සිතුම් මධූට ඇමතුමක් නොගෙන කෙටි පණිවිඩයක් යැව්වා.

           සයනයේ ඒ මේ අත පෙරළෙමින් සිටි මධූට නින්දක් ළගා වුයේ නැත.දුරකථනය දෙස නෙත් යොමාගෙම මධු බර කල්පනාවක නිමග්නව සිටියෙ.ඒ මොහොතේම ඇයට කෙටි පණිවිඩයක් ලැබුණි.කෙටි පණිවිඩය විවෘත කිරීමටත් ප්‍රථමයෙන්ම  සිතූගේ අංකය දුටු මධූ මොහොතක් දුරකථනය පපුවේ තබා ගත්තා.අනතුරුව හොද හුස්මක් ගෙන එය පිට කර කෙටි පණිවිඩය මෙසේ සදහන් විය.

   දුටු දිනයෙම මසිත සොරාගත් කවි කාරියේ..
   මතක්  වුණා මට ඔයාව නිතර දෙවේලේ...
   අමතන්නට අංකය මට නෑනේ නංගියේ...
  ඔබ මා අමතනා තුරු සිහින දුටුව නංගියේ...

                          -  සිතූ -

මධූට නෙත් අදහා ගැනීමට පවා නොහැකි විය.අහම්බෙන් එක්වරක් දුටුවද මධූට සිතුම් ඇයගේ මුළු ලෝකයම වී තිබුණි.සිතුමගේ සිතෙහිද මධූ පිළිඹදව ආදරයක් ඇති වෙමින් තිබුණි.

          මධූ කෙටි පණිවිඩයක් නොයවාම ඇමතුමක් ලබා ගත්තාය.ඇමතුමක් බලාපොරොත්තුව සිටියාක් මෙන් ඉක්මණින්ම සිතූ ඇමතුම සම්බන්ද කර ගත්තා.
  හෙ..ලෝ...

හෙලෝ.කොහොමද කවිකාරී  ආ...

අයියේ මම හොදින්.ඔයා හොදින්ද

හොදක් කොහෙන්ද නංගියේ.එක දිගටම උතුරට කොටිත්‍රස්තයින් ඇටෑක් කරනවා.අපේ කොල්ලෝ එකා පිට එකා වැටෙමින් මෙහෙයුම් වල නිරත වෙලා .

අපිට කවද හරි සැනසීමක් දැනෙන්නෙ මුන්ව සහමුලින්ම ඉවරයක් කරලා දාපු දාට.

නංගි ඔයා මේ දවසවල මොනාද කරන්නෙ

මේ දවස්වල exam ළග නිසා පාඩම් කරනවා.

හ්ම්.නංගිගෙ ගෙවල් කොහෙද
මම හගුරන්කෙත

එතකොට අයියා

මම කුරුණෑගල

එහෙනම් අයියා එදා කොහෙ ඉදන්ද ආවේ

මගෙ යාළුවෙක් ඉන්නවා නුවර මම එහෙ ඉදලා ආවෙ

ඉතිං නංගී මටනම් ආයේ ඔයාව දකින්න ආසයි.

මමත් ඔයාව  දකින්න ආසයි අයියේ

අයියා කොහෙද දැන් ඉන්නෙ

මම දැන් ඉන්නෙ නම කොළඹ යුධ හමුදා කදවුරේ

එතකොට ආයේ කවදද අයියා නිවාඩු යන්නේ.

තමා උදෑසනම වව්නියාව බලා පිටත් විය යුතු බව සිතුම්ට මතක් වූයේ එවිටයි.සිතුම් සිත මහත් දුකකින් පිරී ගියා.

හෙලෝ ... හෙලෝ...

කියන්න නංගී.

ඇයි අයිය එක පාරටම නිහඩ වුණේ.

නෑ.නංගි මම පාන්දරම වව්නියා යන්න ඕනි.හදිසි මෙහෙයුම් වලට.ආයේ කවදා නිවාඩුවක් ලැබෙයිද කියලා දන්නෙ නෑ සමහර විට

එසේ කියූ සිතූ මදක් නිහඩ විය.

ඇයි ඒත් අයියේ ...

සමහර විට මේ යන ගමනෙන් අපි නැවත නොඑන්නමත් පුළුවන්.

අනේ ...නෑ මගෙ අයියාට මොනාත් වෙන්නෙ නෑ.එහෙම කියන්න එපා.

     මගෙ අයියා ඒ ඇමතීම සිතුම්ගේ හද් පත්ලටම කිදා බැස්සා

අයියේ..අනේ ඇයි අයියේ කතා නැත්තෙ

   සිතූගේ සිත මේ වන විටත් මධූ කෙරෙහි තදින්ම බැදී තිබුනෙ

නෑ නංගි මම නිවාඩු එනකන් මෙර් වෙනකන්  මගෙ තාත්තා ඇරෙන්න වෙන කෙනෙක් බලන් ඉදලා නෑ.

ඇයි අයියගෙ අම්මා

සිතුම්ගෙ අම්මා වෙන කසාදයක් කරගෙන ගියේ සිතුම් පොඩි වයසේදිමයි.එදා මෙදා තුර සිතුම්  සිතුම් වෙනුවෙන්ම පේවී සිටියේ සිතුම්ගේ තාතතා.

අයියේ... මොකද කතා නැත්තෙ

නෑ නංගි මගෙ අම්මා නෑ.මම ඒ කතාව නංගිට පස්සෙ කියන්නම්

සමාවෙන්න අයියේ..හිත රිදුනනම්.

නෑ නංගි කමක් නෑ.හ්ම් මගෙ චූටි කෙල්ල කියන්න බලන්න මම ආයෙ එනකන් බලන් ඉන්නවද

ඔව් අයියේ මට අයියව දකින්න ඕනි

මම ඉක්මනින්ම ඔයාව බලන්න එනවා නංගි.දැන් ගොඩක් රෑ වෙලානෙ දැන් අපි නිදා ගමු.

හ්ම්.Good  night  නංගී

Good night  අයියේ.බුදුසරණයි

බුදුසරණයි මගෙ චූටි කෙල්ලටත්

තවත් මොහොතක් දුරකථනය දෙස බලා සිටි සිතුම් දුරකථනය විසන්දි කළේ දහසකුත් සිහින සිතේ පිරෙද්දී

                 සැනසුම් සුසුමක් හෙළූ මධූ දුරකථනය ඇද මතට විසි කර ඔරලෝසුව දෙස බැලීය.

පාන්දර 2 පසුවී මිනිතු පහක් ලෙස එහි සටහන්ව තිබුණි .මධූ දෑස් පියා ගත්තේ සැනසුම් සුසුමක්ද හෙලමිනී.කොළඹ යුධ හමුදා කදවුරේ සිටින සිතුම්ටත් බෝඩිමේ සිටින මධූටත් බොහෝ වේලාවක් යනතුරු නින්ද ළගා වූයේ නෑ.

[  සිතූ සහ මධූගේ මේ සංසාර ගත හමු වීම කෙසේ නිමා වෙයිද ] හමු වෙමු සිතූ හය වන කොටසින්